احكي يا شهرزاد
غرور منى زكي كان كفيل يخلي محمد رمضان يعيد حساباته…
ليه محمد رمضان مش بيحب منى زكي وأحمد حلمي؟
اللي ميعرفوش ناس كتير إن بداية محمد رمضان الحقيقية في السينما كانت مع واحدة من نجمات الصف الأول، وهي منى زكي، في فيلم “احكي يا شهرزاد”.
رمضان وقتها كان لسه بيحاول يثبت نفسه، وكان لسه بيبدأ في سكة التمثيل، ودوره في الفيلم كان لشاب بسيط شغال عند راجل عنده ٣ بنات،
ولما الأب مـ ـات، رمضان بقى هو المسؤول، وبدأ يلعب بعقول البنات التلاتة، يعشم كل واحدة منهم بالجواز، لحد ما اتفقوا عليه، وفي النهاية قـ ـتلـ ـوه.
رغم إن الدور مش كبير، بس رمضان لعبه بحرفية، والناس ابتدت تحس بيه، خصوصًا النقاد اللي شافوا فيه شبه من أحمد زكي، وابتدى اسم رمضان يطلع فجأة.
في الكواليس، رمضان كان بيحاول بكل الطرق يقرب من منى زكي، وفضل كل يوم يروح قبل معاده ويستناها بالساعات في اللوكيشن،
وكان أول ما يشوفها يقولها:
“أنا بحبك أوي يا أستاذة.. وبحب الأستاذ أحمد حلمي كمان.”
فضل يزن ويطلب منها توصله بأحمد حلمي، لحد ما خدت منه الرقم وادته لحلمي على سبيل المجاملة.
ومن هنا بدأت رحلة رمضان مع زنّـ,ـه على أحمد حلمي، مكالمات كل يوم،
“يا أستاذ أحمد نفسي أشتغل معاك، ياريت توصّي منى عليا، أنا طالع جامد أهو.”
أحمد حلمي في البداية كان بيرد بلُطف، لكن مع الوقت زهق، وفي مرة رد عليه وقاله صراحة:
“أنا وصيت الأستاذة منى خلاص.. وياريت ما تتصلش تاني، عشان مش فاضيلك.”
ورغم كل ده، رمضان كمل تصوير الفيلم، ولما اتعرض، حصلت المفاجأة:
الناس كلها اتكلمت عنه، والنقاد مدحوه، والجمهور شاف إن دوره هو أهم دور في الفيلم،
ومحمد رمضان حس إنه وصل، اتغرّ، واتنفخ، وابتدى يتعامل مع نفسه كإنه نجم الفيلم جنب منى زكي.
وفي العرض الخاص، دخل رمضان القاعة “فارد ضهره”، وبيتمشى كإنه البطل،
ولما شاف منى زكي، اتجه ناحيتها عشان يسلم عليها بالأحـ,ـضان والبـ,ـوس،
لكنها وقفِته عند حده وقالتله قدام الكل:
“إيه اللي بتعمله ده؟ هو أنت فاكر إننا أصحاب؟ ليه العشـ,ـم واخدك كده يا محمد؟”
رمضان وقتها اتصـ,ـدم، اتحـ,ـرج، واتلخبط في الكلام، وقالها:
“أنا آسف يا أستاذة.. والله ما أقصد حاجة.”
وبهدوء شديد، لف وخرج من القاعة.
ومن وقتها، العلاقة بينه وبينهم بقت شبه مقطوعة،
يمكن علشان اتكسف… ويمكن علشان افتكر اللي حصل، بس الأكيد إنه ما نسيش.
#محمود_مصطفى_بيحكي
